TVB配音组最中意的配音员

whm315

TVB配音員好多都好鍾意-
讀書年代：魔童(馮錦堂)、甜甜(林元春)、月野兔(曾佩儀)、浦飯幽助(郭志權) 等等
近年：新八(曹啟謙)、阿銀(黃啟昌)、神樂(何璐怡)、露西(張頌欣) 等等

blueeyes

本來我就打算寫文…為何浮一浮水抖氣就俾我見到呢張帖…

我個人傾向鍾意TVB 04年訓練班學員亂入前既配音陣容。講真，舊人同（04年打後）新人比，無論技巧定音質都差左幾皮。雖然聽慣而家班新人配音既人會覺得舊人d聲老，但老老豆豆，舊一批人把聲既變化多好多、可以配既角色多好多。只係而家TVB狂推新人，塞哂班舊人去配d冇咁重要既角色、令佢地冇以前咁突出者～技巧個d就都唔用再多講。04年打後既新人，除左TVB自己主推既黃啟昌、曹啟謙、張裕東、何璐怡等人。好多養左咁多年都仲係養唔熟。（以上純粹個人意見）

以前細個貪靚仔、最鍾意d靚仔聲～♥ 德仔（梁偉德）配既複製人、阿斯蘭殿下、希羅等；謙二（陳卓智）配既大和哥哥；阿so（蘇強文）配既杜拉格斯；JUMMY（郭志權）既巴沙拿…全部都係我杯茶～♥ 之後大d留意多左班配音員，鍾意既人就越來越多。大KEN（陳欣）既藏馬、泰仔、緒方老師超正；招Sir（招世亮）既布歐、新條直輝、麥斯艦長；堂哥（馮錦堂）既丸尾同學、笛子魔童、桃矢哥哥；雷霆既流川、加奧黎、鹿驚老師；阿達（梁志達）既櫻木花道同希索加；威威Sir（林保全）既叮噹、飛影、山田老師…等。另外已故既Ming（黎偉明）既亞提密斯、亞里巴巴、界王神，同退行既阿星（何國星）既成年悟飯、土井老師、加列上尉，同Echo（鄺樹培）既哥瑪獸、申公豹同有線版井宿！全部一級棒～♥

女聲我好多都唔喜歡，主要係因為幾乎把把聲都有我覺得刺耳既時候…不過佢地既技巧同音質都無疑係一流既。個人最鍾意碌Lane（陸惠玲）同小蘭姐（沈小蘭）。前者係變聲女王由婆婆聲（幻海），靚女聲（比迪麗／宮澤雪野），型女聲（天上萼）男聲（和谷）到怪聲（亞古獸）都游刃有餘。後者男聲（火渡凱／塔矢亮）女聲（姬宮杏子／美莉）萌聲（太刀川美美）都咁靚。其他我覺得把聲幾好聽同配得好好既仲有豆豆（曾秀清）配赤木晴子、日下部瑪倫同《魔剎》既妹妹，反串男角都OK（四井峰／三谷祐輝），不過最鍾意都係佢配林心如、正式人靚聲甜；元春姐（林元春）配雪菜，經典小櫻同反串既幼年悟飯；莎朗（梁少霞）既螢子、美琪同艾梅；夏實（鄭麗麗）既菅生香子、歌莉同小丸子。Anita（黃麗芳）既莊子同櫻桃其實都OK，但反串男角（古拿比加／內輪佐助）我就覺得麻麻地、打左少少折扣。而最後，當然唔少得反串男角零瑕疵既珍姐（袁淑珍）既戴翅偉同愛德華；娜姐（雷碧娜）既仁傑、進藤光、小岡、鳴門；太一（黃鳳英）既新丁、小夫、基路亞，同已故既娟姐（盧素娟）既車人、柯南、小智啦！啊！差d漏左！仲有把聲好有特色既瑞華姨（區瑞華）既豪仔同小狼！同樣全部一級棒～♥

基本上我覺得TVB班舊人全部都好正…所以90年代到2000年頭既TVB配音陣容是無敵的！



p.s. 見人講開講下…我個人唔係幾鍾意「留聲堂」。班人有d自以為高人一等、擺出來既姿態有d乞人憎。申請咁麻煩等同要人跪佢先可以知得班配音員d野。但我唔覺得佢地有咁既權利同資格審核其他人。我唔排除佢地做既野俾我地多既（即係Fans Club幹事做既野當然比普通會員多），而我都好尊重佢地。但咁唔代表佢地高其他人一等。佢可以繼續覺得自己有特殊渠道搵到班配音員就吊高賣。但我唔會賣帳。

guangdouzi

blueeyes 发表于 2013-4-17 14:33
本來我就打算寫文…為何浮一浮水抖氣就俾我見到呢張帖…

我個人傾向鍾意TVB 04年訓練班學員亂入 ...

以前好噶配音員真系N多 數都數唔曬 ！！好多都好熟悉 雖然大部份名我都唔系好記得 但把聲就好記得
亞古獸啊把聲就最記得了 覺得啊把女聲真系可以配曬啊種類型噶 德仔就唔洗講了 基本上下個時代噶人都中意噶了 仲有雷霆

kin12345

男聲: 陳廷軒 , 何國星, 雷霆 , 陳欣, 阿SO , JIMMY , 張炳強 , 林國雄 , 招世亮, 陳卓智 , 梁偉德 , 鄺樹培 , 梁志達 , 李錦綸  , 翟耀輝 , 陳永信 ,  林保全 , 朱子聰 , 劉昭文
女聲: 黃玉娟,盧素娟 , 黃麗芳, 雷碧娜, 袁淑形, 陸惠玲, 鄭麗麗, 沈小蘭 , 曾秀清 , 林元春, 曾佩儀  , 程文意, 陳凱婷 , 林丹鳳 , 朱妙蘭  , 梁少霞 , 黃鳳英 , 謝潔貞 , 劉惠雲 , 樂蔚 , 姚天麗 , 孫明貞

blueeyes

guangdouzi 发表于 2013-4-17 14:53
以前好噶配音員真系N多 數都數唔曬 ！！好多都好熟悉 雖然大部份名我都唔系好記得 但把聲就好記得
亞古獸 ...

其實真係數漏好多，漏左好多好似權哥（盧國權）同炳叔（張炳強）呢d專配奸角（斯路／菲利）同閒角（塔矢行洋）既配音員……

啊！！！仲有悟空叔叔（林國雄）！！！！！

cherry0108

梁偉德,黃啟昌,李致琳,曹啟謙,馮錦堂,何璐怡,梁少霞, 鄭麗麗

江户川

TVB配音组的我较为喜欢陈皓宜的声线，好萌的感觉啊

飞天可乐人

中意嘅配音员大部分都系啲资深配音员，对新一代应该系2000年之后嘅认识唔深。
男嘅最中意就系把声好型又好man嘅比如冯锦堂、林国雄 、林保全 、陈永信、陈欣、招世亮、苏强文、雷霆、梁志达、翟耀辉、郭志权、陈卓智 而啲声线，可惜有啲退咗行有啲就离开咗TVB！
女配音员嘅话绝大部分都钟意尤其系沈小兰其次就系陆惠玲。而黄丽芳、雷碧娜、袁淑珍、蔡惠萍、林元春、林丹凤、黄凤英、曾秀清、陈凯婷、卢素娟、黄玉娟、区瑞华、孙明贞等而啲资深嘅都系我好中意嘅。而啲前辈大部分无论系少男少女、正太老人家都可以配得好好！

arlu000

何璐怡大小姐
別無他選

loingmaneng

林元春