老油條，講下一D故仔。

netasa

最近發覺自己老了。不過睇動畫個心依然年輕。但系相信生活會比動畫更重要，至少要將來我家小孩都覺得睇粵語配音動畫好過睇普語配音的。否則真系養不教爹之過咯！！！

今日想同一D年輕人普及下以前果D 盜版同宜家果D盜版有咩唔同，雖然兩者如出一致，但在細微之處確實有著好多你唔知道的故事。當然我並非法證先鋒，也不會教大家什麼分辨方法之類的。我可以做的就只有同大家分享下我所認識的以前果滴D版系點樣性質。宜家果滴D版我就唔多講了，因為大家可以去睇但以前果D你地無辦法睇得番，系米？

入正題，大陸響前果2十幾年對於番版其實系無“王”管的。因為當時光碟依樣野，國家仲未有生產力。更加之無專門針對碟的法律法規，只能通過文化部門根據唔同的光碟內容類別進行“清理”。所以有D時候會響D大賣場上都會見到有D版碟，特別系卡拉OK果類碟，就連新大新之類果D大百貨都會有夜市上面賣果種D版碟賣。因為受歡迎且買果D人都唔識得分正唔正版，最簡單特徵就系都印住曬咩“海南音像出版社”之類，外國MTV尤其地多！！！！ 尼果陣跌落泥號主題曲MTV碟行到邊都有架，你覺得真有甘多正版賣？！ 當時有種好得意現象，就系同一個D版賣場，有一半檔號聽到查檔就關，但其餘果D就照常開檔若無其事啵。點解？ 因為拒地賣滴D版碟內容唔一樣咯。

果時一查就殺就罰就捉，當屬以下幾類D版碟：色情（外國或HK果D3仔，4仔果時真系少之又少不過都有）、神佛傳銷類（X輪功就系好個例子）、外國禁止引進片、等等。   至於其他就好寬松，好比如電視劇、音樂、戰爭片、MTV、老歌、動畫、故事片、革命片、  哪怕系老番自己本國D電視劇都無咩大查，電視劇特別系以前果D臺灣片更加之受歡迎，要知道果D劇集一套好多張碟，以當年收入系無法承受到的。 特別系進化到RMVB時代，劇集碟老番更加之多人買，因為好多套劇一碟就裝曬，果在什麼青青河邊草 之類D戲更加之去到都未必有得買！！正因為當年依種無法可依且管理不嚴現象（執法果個自己都想睇）當其時真可謂百花齊放，歌碟、電腦軟件、MTV、電影、視頻教學碟、故事片、電腦遊戲、等等無一不種類繁多應有盡有，你講出都會有機會有。 賣碟檔口成日都會有超多坐住選，你可以用足大半日都未睇得曬果度D碟，碟系以箱為單位計的。 依一切現象都發生在錄像機末期，VCD機普及之年代。當時電腦仲系超貴的天外之物。當時我也只系有臺無咩功能的VCD機，買機唔系因為機器平，只因當年為在睇反丁大叔的GTO。因為當年初中班內同學都熱緊依套野。當然睇的系日語版啦！！ 不過當時VCD碟價錢就算D版都真心唔平阿！通常都系你買左睇完後就同識的人互相交換其他碟黎睇。直到後來有租VCD依野！！ 我第一只真正到手VCD就系金田一少年事件薄劇場版，依只碟當年系租的，且我仲唔知道系有粵語配音的雖然我知系動畫且有寫粵語配音，但當年有唔少老番個封面系複人地內裏內容就照COPY日版光碟，所以無粵配都唔出奇！！講番只碟，第一次睇時就俾D音樂嚇到了，果時我仲細個！真唔知系講埋曬D殺人血腥之類野。不過真心好睇，第一次睇就覺得好睇，之後當然只碟就無還到啦，當年壓金二十蚊，你地話抵唔抵了？！！ 之後隔左好一段時間，只碟被我同學發現，借左去睇之後又多一個金田一迷或者叫推理迷啦。在拒果度得知金仔原來仲有TV版，之後我地兩個就不斷甘開始收集。由果時開始認識愛子動畫，因為當年讀書番學時間比較長1-6，所以星期日我地都好多時約埋去不同地區D山卡啦檔口掃碟。話知拒系米D版平就得了。就系因為甘從唔同檔口老細處知道唔少內幕。 在VCD末期政府開始對VCD查得嚴了，開始有版權之類講法了，歌碟開始變成只有引進版有得賣。只因當年微軟開始入駐中國，且中國進入WTO成功。D版電腦碟開始被查，越黎越少賣。 電腦價格開始下降些微，叫做有錢家庭買得起，聯想開始佔據電腦桌面了。 但甘有個好處，VCD及D版VCD越來越平！！  依度要講下愛子動畫，一個HK碟商。當時粵語配音動畫在廣州好受歡迎好多家長願意買俾細路睇，但系無耐市場上可見檔口都無得賣，只因以前果滴都系D版碟。D商老細暗瓦底同我地講，唔系拒地唔想賣，而系唔賣得政府封殺，必需系要有引進權許可先可以在大陸銷售。所以正版碟都唔賣得，反而D版愛子動畫仲可以偷偷地賣。當我地想買果時個老細仲問我地要靚版定系普通野？！ 原來所謂靚版，就系擰愛子動畫母盤進行機壓碟，而普通野就系複錄機壓碟，畫質音質都有大差距。據說愛子動畫有向政府申請銷售許可，但內地唔批。但見D版市場甘好穩錢，唔想本應該屬於自己的銷售額無左專登流出母盤一說搞個正番版碟出來賣。唔單止碟質好，仲要有套裝封盒彩紙或說明書。當年可謂經典的 不思議遊戲套裝 就系一個好例子。你米以為買左正版，其實系老番黎架！！！至於點解唔批愛子引進就唔明原因可在了，不過事實上好似金仔、龍珠、頭D、不思、等依D動畫以當年標準，無直接話教壞細路算經已好俾面了。在VCD末期，因為好多可以光明正大的片都要走“水路”所以D商幹脆連本來處於黑暗或灰色段的3仔粵配卡通及倫理粵配卡通都一並老番埋過黎賣，抄高價等D“成人”出錢黎買！所以果陣可以好容易就買到最多依類片，據聞有人買到粵語版臭作？？打屎我都唔信！同級生就話有可能啫！！！（咳，好啦........）

嗯依期講住甘多先，想聽麻煩你地留個回覆。  諗番起當年真系通街都系好野，不過好可惜系真心無甘多錢買， 換宜家買多多都夠，可惜無法再有得買了。 下期講下接落去DVD時代，同埋我動畫二次製作的開始，多人想聽就講！！

響講DVD時代之前呢，要講一講中間一段時間，在大陸依邊DVD普及速度超慢，價格一直無法下降為主因，其次系D人已經收集左大量VCD且仲留戀於VCD時代果種輝煌感，遲遲都未能接受DVD，接受左就意味住以往D設備投入要推倒重來。 雖然DVD未黎接棒，不過開始有唔少新搞作出現，好比如過左氣（或者講根本未成氣候）的LD碟機以白菜價重返市場（不過系二手市場）！多碟連放的CD VCD播放系統省去換碟麻煩、 DISCMAN添加上解碼VCD功能，有甚至仲帶有液晶顯示屏在街上睇VCD。光碟錄影機系統（VCR）之後仲有SVCD的出現，可以講系一種壓縮與解壓方案，但編碼始終都系VCD MPEG只系可以裝下更長時間之內容，畫質相對變化不大而已。 依度我要講下LD及LD機。當年LD即便系OUT左價錢也是個可觀數字，一只LD大碟就可以上三位數。而且並唔系容易買得到的。記憶中當年LD及LD機在廣州依邊就海印電器城最多賣。價格過千，我記憶中金仔TV版歌劇院上一只LD大碟售價就87蚊只系日語原聲，試問邊個會買呢當時。 由於依段時間VCD D版進入左低利潤期，所以D商都無咩積極性，只跟進一些熱賣貨。而我響依段時間正處於升學期也無太多精力與時間去掃碟。不過就算系升學後也一樣無時間，初中學習更加之緊。久之掃碟習慣開始淡，而我又稀飯上另一樣毒之物 遊戲機 ！其實遊戲機由細玩到大的，不過電視遊戲機就少玩，FC都系響朋友仔家玩，自己雖然有機但竟然唔識調電視無玩得成？！我家舊電視無AV輸入端！！當然後期換左啦唔系點睇碟機阿。當年太喜歡SEGA遊戲的暢快感覺了，所以與同學約好各買一款主流次世代主機，我選了SS他選了PS。玩悶後就調換來玩。D商是強大的，在你覺得無咩影好買之時你會發現原來仲有遊戲碟D版，所以依期我去D商處多數為的是遊戲碟。不過事實好多遊戲都同動漫有聯繫或相關，好比如金仔都分別在PS與SS上出過兩款遊戲。廣州惠福西路當年的電視遊戲設備聖地。初中時間過得快，再加上遊戲所以動畫漫漸拋腦後了，不過間中都有接觸，好比如當年好受歡迎高達W啦EVA啦龍珠GT啦一定睇的。半夜三更播放果D指導級別動畫啦又要追喔，搞到我成日早上上課訓覺！所以成績差。你可能會問，夜媽媽有咩動畫禁好睇啊，我肯定答你印象最深系日本風情畫，次次都要崖完先播動畫伸要有時話停播改睇粵語殘片。吹波糖危機20XX 同埋 爆熱時空都系我鐘意的。 就系甘的身心疲勞狀態下迎來我家的第一臺DVD播放機及組合音響！只因我初中畢業考得還可以。

黎到DVD時代初，強大畫質飛越同埋多聲道麗音音效，VCD班死宗都不得不服輸，所以二手市場上面都充滿了高檔VCD多功能機。在依個時期真正意義上面叫做D版果D老番出現了，以前果D非正版碟我地都稱之為老番、番版、假貨、引進版不過從來都無人叫過D版。依個時期有種叫SVCD開始盛行於老番界，因為低價且高壓縮比，可以一張碟在VCD上享受兩到三出電影，極具性價比！但依種碟系要經過數碼加工流程的，先要製作好多合一母盤先可以再去壓碟。不過早期技術有限且不成熟，所以好多VCD都只讀得到第一部電影後面D就未必睇到。曾經一度成為街頭垃圾，1蚊只都無人要更有話會整壞你臺機個光頭之傳說。由此起依類碟就以超低價注稱。但之後唔知咩原因技術改進左壓碟良品提高又開始有番人氣，買依類碟大多之窮人受落，但拒地都好謹慎用錢，番版檔佬細為左呃唔識數碼果D窮人就作左個數碼壓縮數碼加清大容量之類說法以之掩蓋之前SVCD之讀碟問題。俗語話得好價格足低就咩問題都無。所以果時5蚊只開市，新技術壓出黎D碟又的確不負厚望，口碑超好。越發多人買就越發多人賣，技術更成熟成本就更低，所以就一度出現10蚊三只之盛況一度掩蓋DVD之光芒！！直至最後VCD被淘汰更有10蚊一大袋之半買半送。由於當時SVCD屬於正貨之名稱，一只碟好貴。而依種低價貨老番也需要有個名方便叫，再者依種碟也有使用到SVCD之技術，所以封面上印有SVCD字樣不過用的只系硬紙外包裝。為左區分用左中文超級VCD做名，不過後來又覺得唔好叫。老番檔後期將依類碟稱之為D版碟，一來數碼壓縮之意，二來技術製作過程英文中頭個字母為D，當然D版也有破解再番錄之意思，簡短又好叫之後便傳開左依種叫法。 然後一直泛意指老番碟，直到DVD高清老番碟出現才有真正劃分出一類用依個叫法，不過此乃後話了。


講番我，在當時也有進過唔少SVCD壓縮碟，因為實在太平雖然明知畫質超一般差，只圖個睇咯。所以果時買唔起DVD碟米就補下D舊電影咯反正以前D戲都唔系全部睇曬架，都有好多未睇過。就甘DVD機響屋企食塵左成年先崖到DVD老番碟盛行時期，不過DVD老番碟盛行要感謝電腦開始興旺，當時家用電腦開始越來越平電腦城差唔多到處都有。同時MP3出現取代DISCMAN為左錄歌入去個MP3更方便，好多人都開始想買臺電腦放響屋企了，甘好當時已經開始有電話線上網不過當時仲系以教育網為主，私人娛樂無可能。一方面DVD有區域之分，另一方面又有加密壞刻等技術壓碟。所以要搞DVD老番碟多以電腦破解為主，所以當時電腦用的DVD光驅發展得好快，更有一批中端低價商賣硬件，例如臺電、宏基、LG、後期連SONY三星都賣平價了。 電腦上破解技術用左去老番製作流水線所以DVD老番就加速到來了。記得當時在老番檔最早買到老番DVD碟類系電腦上面的視頻碟，講明只用於電腦，裏面裝D全部系RMVB壓縮物用DVD-R格式，碟系只有8X速率。一只碟要15蚊。不過DVD就系容量大，一只碟裝曬成套劇，在當時黎講系可以取代硬盤之最佳選擇。我第一張DVDROM老番竟然系高達W日語熟肉，當時距TVB版都唔知早幾多倍。不過後黎打擊番版力度加大DVD老番越來越無法見光然後電腦硬盤又越來越大容量。不過後來多左廠商做DVD後成本降低，老番DVD價格開始親民所以就多源化發展了，有電視劇動畫演唱會電影遊戲軟件戲曲等等，更以前三類居多。動畫多番日本，但當時並好好技術去做字幕，所以多為生肉其中賣得最好應該就系全職獵人、藍龍、柯南等等，電視劇則以日劇為主極之少有美劇，演唱會MV有時可以緊跟最新。其他國家音樂更加之系無需審核直接番俾你。當時同樣系“無人管”只要不涉黃，其他捉到只系沒收貨及罰款。所以D老細都系選擇大包圍方式，你想穩咩類別都有！！ 其他國家唔敢講，但中國如果無DVD老番碟賣，DVD絕對占唔到主流就連VCD都打唔贏！更不用講後期果D PS2XBOX360遊戲碟同埋電腦上面果D D9遊戲碟了。當年有個插曲就系錄像機都開始用DVD裝片，當年廣州海印電器城也系因應此而生！！海印電器總匯也因此而興旺一時。當年最佳DVD動畫老番賣場就在於海珠區恒龍電腦城，好多生肉動畫DVD包括不雅的。海印就熟肉動畫比較多，且多以D9壓縮為主純DVD5非常少見。 當然海印仲有個二手市場，果度二樓多以水貨DVD為主原裝水貨DVD大把你選。當年天河崗頂太平洋電腦城都有唔少，所以話當年唔少電腦城存在，宜家就...... 其實對於我黎講貫穿VCD與DVD時期仲有條分差線就系遊戲動漫影音雜誌了，例如電腦報、數碼時代、動漫新勢力、等等依D雜誌響果時都好興附帶光碟內容物，讀書時每期必買，睇果D碟就好似幫自己差電甘樣，無網絡時期最好資信獲得途徑。其實並唔系無網，只系當時上網代價實在太貴了。

DVD時代中期，我主力在於電腦方面，已經好少去碰碟機了。因為覺得電腦上自由好多，睇片又方便（咩片？你懂的！）而且當時盛行果D RMVB與AVI都需要用電腦睇！！有D歌集竟然用RM格式真系唔知講咩好！且果段時期我剛畢業出來做工。無太多時間去浪費。而我當時有份工系幫人過錄影帶轉成碟便於在家中碟機播放，因此對於視頻我是有一定程度了解。電腦上處理對於我來講家常便飯，不過當時都多以處理碟片格式為主，講白了就只系涉及到MPEG系列並無咩了不起，在當時會聲會影才出到4、超好用且有名軟件“小日本”都仲未有人知，RMVB格式剛起步。時間推移一下，將沉悶的工作段刪除。會聲會影去到6、RMVB去到RV9 已經放出左RV8與9官方壓製程序軟件，RV10放出不過要收費。當年蘋果QT 微軟AVI 準備在電腦視頻上開戰了。 當然之後戰果唔使我講大家都知RMVB大勝啦！不過輸家又點會甘容易放棄呢？聯合埋一齊對付RMVB, 就有左最早的MP4。不過MP4果時仲好嫩畫質差太遠了，RM保皇位出左個RV ONE播放器出來一統江湖。之後蘋果搞ITURN放棄MP3去搞無損、微軟暗箱研究WMV，表面就搞AVI。之後電腦就RMVB繁榮期了。電腦開始取代碟機位置，但兩者始終定位唔同無辦法一下子唔要邊樣野。再者電腦操作複雜並唔系個個人都識得用，一時間老番檔可選之碟類又多左數種，唔少碟寫明電腦專用！！！當時期應該就系老番碟最為興旺之時間段了，打後就一路向低了。

OROCHL

15年前睇过粵語的同级生。。。是18X

yonggod

OROCHL 发表于 2019-6-1 06:09
15年前睇过粵語的同级生。。。是18X

居然有粤语？我还是买过游戏碟来玩

yonggod

第一次买动漫碟应该是剑心吧

swl81

以前真係百花齊放,多謝版主share

hannah_g

謝謝分享老故事....

snzt

90年代初期的录影带时代系唔系都一样系盗版

神之影

好多文字，其实我冇睇完

gumplo

snzt 发表于 2019-6-1 07:23
90年代初期的录影带时代系唔系都一样系盗版

嗰時有啲四仔喺以錄影帶形式出售，旺角樓上舖，其他電影類就未見過

今世遺

臭作港版ld係有出過  致於有無粤配就唔知