大家童年嗰陣時都玩過乜嘢遊戲機？

vskenyuan

拉岸 发表于 2019-10-26 20:05
GameBoy幽游白书好玩

对，3代，4代，最经典！！！还有孖宝兄弟，兔宝宝2，后来的拳王94,95等热血系列。

elgrand

年青時擁有過較冷門的遊戲機..  PC Engine, Neo Geo CD,

netasa

ishida 发表于 2019-11-18 21:45
睇咗你嘅評論，唔記得同你交流下實在唔好，
我童年嗰陣時整體而言都係紅白機小霸王仿製品起步嘅啦，一開 ...

甘你個FC時期都幾後下了。我雖然都系FC為主開始，不過對於遊戲黎講，我重視主機多少少。FC時期我大多數時間系去朋友家玩的，因為多人玩先好玩。所以多數單人遊戲都一人一命輪玩。以前無法存檔一次通關遊戲其實都好多。當中我只配服“外星戰將”依款，不過後來改成了計血版就覺得唔好玩了。成龍之龍依類前面好容易到最後連跳個坑都超難之類的遊戲也非常之多，所以果時覺得老任個十字鍵做工真系會比較山寨版FC好好多，小霸王果個手柄有個好處系帶有膠粒頭更換好方便唔使焊接。 由於我較早被當年的SS震撼到所以後期好多FC遊戲都無咩點認真玩，再都果時自己已經買左MD2主機玩MD卡就好少去碰FC了。FC唔少遊戲都系水過鴨背式玩通就算了現在印象都好模糊了。記得當年轉玩電腦果時，已經開始有模擬器出現，就系由果時再重新回味番FC遊戲無他只因果時D電腦顯示器分辨率都好低下再都無幾多好玩電腦遊戲出。不過講真SS陪我時間俾FC長，PS則是我玩遊戲最多的主機。至於其他機器，唔係 唔想玩而系無老番，機買得起遊戲玩唔起！！

ishida

netasa 发表于 2019-11-19 02:08
甘你個FC時期都幾後下了。我雖然都系FC為主開始，不過對於遊戲黎講，我重視主機多少少。FC時期我大多數時 ...

唔好意思，一開始我冇講清楚，其實我一開始玩紅白機嗰陣時大概係幼稚園嗰陣時啦，好似係中班定係大班咁啦，我一九九六年九月先入讀小學嘅。嗰時候玩紅白機玩到一九九八年八月之後就停咗落嚟，直至二零零零年十一月中下旬先重新再玩過，唔知道係咪因為有啲卡帶放置時間太長嘅原因，所以導致已經玩唔到。
讀幼稚園嗰陣時到一九九八年八月（即將上三年級嗰陣時嘅暑假）玩嘅遊戲的確係任地獄比較早期嘅，並且不能續關嘅。
二零零零年十一月之後嘅先係真正接觸好多遊戲...

你提到嗰個《外星戰將》為何會一碰即死，我後尾終於搞清楚原來又係盜版商造成嘅事情，因為我哋當時玩嘅版本，係把廠商LOGO嘅消息全部刪除咗，因為盜版商呢一所作所為（為何咁樣做？其實就係為了規避法律問題）造成了ROM嘅防盜版機制被觸發，即刻進入極難模式，所以就會一觸即死。如果係正常版本，在輸入密碼嘅時候，如果輸入“HARD！”一樣都會觸發極難模式。

忍者龜3代，我亦係因為玩過盜版商嘅改版，所以先會導致好多條命，正係因為咁我先可以玩爆機。多條命版本嘅就係刪去了KONAMI嘅LOGO，並且英文字母KONAMI嘅K改成了Z。好明顯呢個就係盜版商為了規避法律問題。

ishida

netasa 发表于 2019-11-19 02:08
甘你個FC時期都幾後下了。我雖然都系FC為主開始，不過對於遊戲黎講，我重視主機多少少。FC時期我大多數時 ...

至於PS1方面我玩過嘅遊戲其實並不多，嗰時候就係二零零三年寒假時被小學同學帶去一間遊戲機銷售店，入去玻璃櫃後面先見到有道門，打開道門先知道入邊居然係打PS1同埋PS2嘅隱藏機室，個老闆係喺佢間屋（住宅樓嘅1樓）經營嘅，店門口其實係間屋其中一個房間，而大廳、廚房、另外一個房間全部都擺曬電視機，嗰時候好多人喺入邊打機。嗰陣時玩得比較多嘅PS1遊戲就係越南X同埋吞食天地2赤壁之戰（街機移植遊戲，PS1版CREDIT最高為10，就算是雙打都是，一旦用完就GAME OVER。嗰時候我同FD玩，基本上打到第八關赤壁之戰二嗰一度因為CREDIT已經用完所以就玩完，但係我自己用關羽單打就真係可以打爆機）、仲有數碼暴龍格鬥，至於古惑狼賽車，玩過一兩次，之後冇玩過啦，我對於古惑狼賽車興趣唔算話好大。
現在回想起嗰陣時喺機室打PS1 PS2時，班小學生玩親越南（合金彈頭）嗰陣時，成日都喺度講“救伯仔”，“伯仔”已經成為咗救出嘅俘虜嘅代稱。
SS我就冇玩過啦，希望你諒解....
PS2，其實諗起就消耗唔少錢啦，嗰陣時冇錢買PS2，只能去嗰度打，次次都要洗去差唔多10蚊，因為3蚊一個鐘，嗰陣時就係玩真三國無雙2代+猛將傳、真三國無雙3代+猛將傳，後尾先玩真三國無雙4代+猛將傳、無雙蛇魔、無雙蛇魔魔王再臨、真三國無雙5特別版、戰國無雙1代、戰國無雙1代猛將傳、戰國無雙2、戰國無雙2猛將傳。諗翻起真三國無雙2代猛將傳嗰陣時，為了獲得第五武器需要喺極度困難模式嗰度玩，尤其是幫典韋獲得第五武器，喺原作篇嗰度合肥之戰選魏軍勢力，非常難打，主要係弓箭兵多同埋需要護送張遼達成暗殺太史慈嘅條件，所以無奈之下唯有同朋友一齊雙打，先總算勉強順利幫典韋獲得第五武器。我留意到，魏國嘅張郃和張遼，獲得第五武器嘅關卡係猛將傳篇嗰度，張郃係街亭之戰（袁紹軍VS魏軍）、張遼係官渡之戰（董卓軍VS曹操軍）。
至於真三國無雙3，為了獲得象蹬，都好難啊，因為要在南蠻夷平定戰嗰度，選擇南蠻軍勢力，騎大象進入蜀軍陣營先得，但大象要喺我方嗰度攞，只能等敵人攻擊我方武將導致從大象上跌落來，先可以實現。嗰陣時為了達成呢個條件，點都要忍，的確無奈之舉。為了快達成，唯有選擇困難模式。
呵呵，我依然記得三代猛將傳，為了搏第十一級武器嘅無奈啊，要喺列傳模式達成條件先得，諗翻起呂布嗰度，獲得十一級武器，喺呂布傳嘅虎牢關殲滅戰，玩成差唔多一個鐘多啲，先勉強達成咗兩千人斬，先達到呢個條件。唉，只能一句話，嗰陣時就係PS2貴，買唔起只能夠咁洗咁多錢去嗰度玩，但有錢買得起8MB MEMORY CARD

netasa

ishida 发表于 2019-11-19 20:39
至於PS1方面我玩過嘅遊戲其實並不多，嗰時候就係二零零三年寒假時被小學同學帶去一間遊戲機銷售店，入去 ...

嗯，每個人玩遊戲都係好公平，都系由唔識玩開始到慢慢變大師的。玩熟悉了就有著自己一套通關方法。只要不停下腳步，不斷嘗試新的遊戲就有源源不盡的樂趣。不要太執著於FC或PS系，又或者講家用機系，睇睇或多參與下街機或電腦系果D遊戲也未嘗不好。我認為只有多種機平臺都嘗試下先會有更多好的得著！
好比如你所講的三國赤壁，街機打鬥感好，音樂就差。家用機音樂好打鬥感差仲有讀碟LOADING時間。有些遊戲在街機上無甘多劇情動畫而家用機上就有精彩MV，有D遊戲在街機與家用機上3D都唔出色，但在電腦上就非常不錯！！舉個例SEGA OUTRUN2006賽車遊戲電腦版畫質比其他任何版都好！！ 睇你好鐘意研究遊戲細節。當年玩外星戰將時，研究點樣過每一關系一種非常有趣的經歷，因為一碰即死！所以同朋友玩時除比拼較量就系提出各自意見，之後自己一個在家玩果陣又作出多種不同方法嘗試。所以印象比較深刻！！我認為玩遊戲就應該系甘樣，甘樣的人生先至系有意識。我年紀比你大多了，玩的或者不一定比你多，但我覺得你應該玩更多才多不要負了青春年少。到了你年紀大些之時要面對生活壓力之時就再無法可以領略到從前遊戲時帶來的快感與樂趣，只會一味嘆息，想當年。所以放下FC執念，找新的“真愛”！

斯基熊

除左GBA就红白机啦，呢D大路货最多

ishida

netasa 发表于 2019-11-20 02:15
嗯，每個人玩遊戲都係好公平，都系由唔識玩開始到慢慢變大師的。玩熟悉了就有著自己一套通關方法。只要不 ...

吞食天地2赤壁之戰PS1移植版呢，就係區別喺最多可以兩個人玩，並且CREDIT最大值為10，還要讀碟LOADING
我喺街機上的確玩過，但是當時在機室接觸過的基本上都是改版，有個機室就將呢個遊戲改名為“三劍聖 聖劍無敵”，涉及的數據修改就係，執起嘅武器，全部都有火屬性，即聖劍咁嘅火屬性。有啲版本，機室故意甚至在內部設定為只有一條命（想要昇多條命需要通過達到一定分數先可以獲得獎勵）。
國內山寨廠商的確有把呢個遊戲移植到FC上，好難玩嘅。我就見過一個版本：三國誌 赤壁之戰，就係移植版，只有趙雲 關羽 張飛可以選擇，不會計分，打兵仔動作好乜嘢。因為我親生玩過，所以知道係點樣。

世嘉機因為我冇點玩過，所以就唔太好意思評論。世嘉機遊戲目前就玩過台灣嗰邊製作嘅《吞食天地3》（繁體中文版），一玩先知道，原來當年玩嘅GBC遊戲《三國志傲世天下》係呢個遊戲嘅移植版，並且還增加了一些元素的，許多元素在世嘉機原作是沒有的：聯合軍討伐董卓、關羽千里走單騎、漢中討伐張魯劉璋、張飛和趙雲前往荊州水路奪回阿斗，呢啲都係原作冇嘅。原作入邊打完黃巾黨首領張角之後，即刻時空轉移來到徐州城，受到曹操的安排前往城西邊山洞天靈洞去討伐袁術。

其實你都冇講錯嘅，我家陣都已經喺度工作緊，日日都要面對好多嘢。回憶起當年玩PS2真三國無雙系列的確努力付出不少啊，如果唔係點解可以逐漸實現2代武將全部獲得第四、第五武器、3代獲得LV10、LV11武器等等，想當年每次獲得第四武器和第五武器，都是和朋友一齊雙打嘅，原則上我哋都係盡量選擇血長儲備無雙能量快嘅武將，好似關羽咁，每一次能夠順利獲得第四、第五武器所以先開心，雖然二代難好多，但係我哋玩得都唔錯。由於當年學業因素和興趣愛好學習因素，所以基本上上學期間只有週六下午嗰陣時可以打PS2，寒暑假就一個星期只可以去三次，並且每次不能超過半日時間。印象記得，無雙2代猛將傳，要聯動原作模式，前提有日版原作碟並且MEMORY CARD入邊有原作遊戲嘅存儲檔案先可以，所以搞到最後迫於無奈，又要在MEMORY CARD開一個日文原作嘅存儲檔案（因為台灣嘅中文版無法作為聯動）。嗰時候為了快速令武將體力最大值和無雙最大值提昇到最長，經常去玩猛將傳部份嘅集落拯救戰（黃巾黨VS盜賊），因為快過關，所以選擇咗呢個。

contach

好多, sega, ps1, ps2, 任天堂.....不過最好都係紅白機

阿里查查

gb第一部