晴報：配音王謝月美因移民人財兩空 71歲單親媽工作遇阻礙坦言心淡

netasa · 发表于 2020-6-3 03:13:32

果三個問題，其實同配音無關系吧。頂爛市就證明你地配音界D人唔夠齊心啦。佬實講粵配除左HK之外其他市場唔係無就不成規模。粵配發展唔起來自己唔檢討下該行應該點行落去反而將問題推到睇片嘅人（消費者）上真心有點過份了。

1.字幕    因為有字幕所以D人去曬網上睇果D原聲片，唔等配音片？！  問題配音片選擇少時效低呢，每個人都會選擇對自己更有益處嘅選擇去做啦唔睇配音片好正常嗜。依個問題應該係配音依行點樣改革先可以適應到網絡時代帶來嘅衝擊
2.一角多用依個在配音依行唔係好正常嘅事咩？一直都存在啦？只不過有剛需與人為之分嗜。有D片事實上係太多角色無可能唔兼角，但係電視臺果種人為嘅要求一人多角省去更多費用依點就係人為啦。所以依個問題在於人，唔同嘅領導上級就會有唔同嘅方式所以同行業本身無關系。就算唔一角多用行業界本身都無甘多嘅自由身去滿足所有片嘅角色吧？！
3. 名星效應其實係件好事，起碼要先引到消費者去買單，有更多收益先可以有更多嘅片被買番來去配。反之行業工資將更低。

其實粵配行業界，最大嘅問題係在於以下幾點就真：
1. 無帶頭大哥，好多可以做大卡嘅前輩都唔願意去帶領整個行業，現狀就只係睇送食飯，從來都唔諗下點樣嘅方法去發展下依行或者依行應該點樣改革去適應新嘅大網絡時代。
2.配音員技能單一，大年齡化普遍。  配音員要麼就只想做配音居於幕後，除左聲之外其他一無材藝。心態就將行業作為兼職，從來唔去諗自己要響依行點樣發展落去。唔似日本果D聲優多材多藝，唱得嘅可以開個唱，講得嘅可以去電臺，有樣有身材嘅吸粉，等等！！所以粵配界發展唔起來，以前有D有明星效應嘅宜家都老了更加之無法吸引年輕一代去投入對依行粵配嘅愛好。明明聽粵配更舒服卻偏偏去追原聲。技能單一，造成嘅問題就係一人多角咯，個個都老中青幾把聲甘省得幾多人就肯定省啦。
3.

其實仲有好多想講，不過唔想打甘多字了，反正我個人就覺得市場係有嘅，而且仲可以向高端發展添不過體系一定要有所改革，仲有價值觀要改下咯。唔好話以前280 宜家得80 就悲曬甘。  只要不虧本依行就有得做，只係睇做嘅人點樣去做同埋點樣去積累擴大受眾市場。