办公室事件 问问大家点睇

doremi

7月有个同事生仔，送来2煲姜醋，一煲俾办公室，一煲俾工场的阿姨。

其中一个阿姨将成个煲放入公司微波炉叮，结果叮坏咗个微波炉。当日，财务提出要赔，嗰个阿姨应承咗。

11月，财务趁双十一买咗个200几蚊的微波炉，当真系要赔嘅时候，阿姨又唔想赔了，总结一下阿姨的观点:1.微波炉系公司嘅，系唔系公司坏咗嘢都要员工赔?
2.如果佢辞职，系唔系可以带埋微波炉走?(其实佢大几率唔会走，佢系公司元老级员工之一，做咗好多年，而且又有排未到退休)
3.姜醋系几个阿姨一齐食嘅，咁赔都好应该几个阿姨一齐赔。

财务回应:
1.当然唔系全部公司嘢坏咗都要赔，譬如风扇、冷气、电脑呢d，坏咗紧系公司出钱整。
2.阿姨无常识，竟然将个煲放入微波炉(其实我听到呢道，心霖其实我自己都算系无常识，加上我平时好少用微波炉，所以我都唔知乜野可以叮，乜野唔可以叮)


其实双方语气都唔会好到去边，大家可以脑补一下佢地沟通的场面。

我嘅睇法:
1.如果个阿姨唔想赔，当日就唔应该应承，当日就应该讲清讲楚。
2.如果系我，我会赔，因为200几蚊我可以接受，如果仲贵d嘅话，我都唔知点算。赔嘢心情肯定唔爽噶了，唯有当自己黑仔咯。
3.其实究竟应唔应该赔咧?


最新进度:
几个阿姨唔情愿地夹份赔咗，但佢地拒绝使用新微波炉，惊再用烂又要赔。所以新微波炉宜家就放置系前台唔知点处置(办公室原本就有一部，所以无必要用新的)

7532159

當然要賠，整爛人野要賠有咩問題？

twkh

如果係我我會賠嘅~~
賠償唔係話好大, 自己疏忽大意用壞咗微波爐...賠錢當交學費~~

不過既然係元老級員工, 賠嘅錢應該可以再借D意壓多少少價~~(話晒舊微波爐可能都用咗一段時間,公司應該出返少少錢)

阿姨突然話唔想賠...咁實無彎轉啦...

doremi

twkh 发表于 2020-11-4 13:30
如果係我我會賠嘅~~
賠償唔係話好大, 自己疏忽大意用壞咗微波爐...賠錢當交學費~~

系咯！事发当日，阿姨就提出唔应承，财务话公司一半你赔一半，事情就可能解决。

doremi

7532159 发表于 2020-11-4 13:26
當然要賠，整爛人野要賠有咩問題？

又系嘅不过道理同人情好难平衡，毕竟我公司唔系咩大公司，人少少，唔系话一就一。之前公司唔俾员工将电动车再放系工场，都系怕爆炸烧毁公司财物，到时唔知点计。。

stevencif

微波爐真係因為個煲??? 個煲是什麼材料??? 鐵，瓷，膠....???
點樣壞??? 壞什麼???

新人王a

整爛左就要賠
佢工作責作又唔係主要用微波爐!

doremi

新人王a 发表于 2020-11-4 17:01
整爛左就要賠
佢工作責作又唔係主要用微波爐!

有道理。。

doremi

stevencif 发表于 2020-11-4 16:48
微波爐真係因為個煲??? 個煲是什麼材料??? 鐵，瓷，膠....???
點樣壞??? 壞什麼???

点样坏，坏什么，我都唔系好清楚喔。。煲应该系瓦嘅，外形嘛好似中药煲咁咯

snzt

因人为整坏当然要负责赔拉，我觉得有份食个几个阿姨唔使赔