在求档区遇到骗子！叫pxpxcw !有图有证据！

blueeyes

liuhan2 发表于 2013-8-29 11:26
第一：我无好似blueeyes哩位大神甘样诅咒路比死人冧楼入医院甘缺德。
第二：系路比承诺将雪点给他就会 ...

冇乜所謂既～你鍾意腦屈我話我咒路比死人冧樓入醫院唔緊要，反正路比知我同人講野要睇對方既程度。有d野講得唔夠荒謬，人地程度低就唔會明。佢會明白我既～

講真，我唔作到死人冧樓咁大，你會知道「人地冇可能唔同你講聲就消失十日」呢個前提係荒謬既咩？？？？？你用公司黎做類比，按你個d公司式既要求，唔好講死人冧樓，就算我頭暈身㷫遲十幾分鐘都要同你交代添！！你知唔知自己一開始個要求就唔合理？？？？？？仲有，唔該搞清楚，你而家一定要拗到「佢消失＝厄你」先可以係而家呢個時候話佢厄你、你成張帖既指控先成立。因為佢消失左係事實，而佢消失就即係厄你，咁自然可以得出佢厄你既結論。但問題係「佢消失＝厄你」呢個前提好明顯唔合理，正常人都唔會咁諗、會接受「佢有合理理由消失≠厄你」。而如果你同正常人一樣都接受「佢有合理理由消失≠厄你」，你就冇理由而家就可以一口咬定「佢厄你」、搞到要開張帖黎公開譴責人地。因為，就算我俾到盡，我當你真係一個hihi、淨係接受「死人冧樓入醫院」先係唯一可以解釋點解佢十日都唔出現既理由都好，根據你目前既情況，你根本唔會知道佢會唔會咁岩得咁橋符合呢一個理由。一開始就直接跳到「佢厄你」既結論明顯唔合理。此其一。

你既第二點一樣唔成立。就算我，granted，「做唔到承諾人地既事既人係罪該萬死」都好。以你目前既情況，你根本確定唔到佢係「做唔到承諾人地既事」。講得難聽d，佢應承會係你選做最佳答案之後俾你者～又冇話幾時，就算佢十年後俾你、都係俾到你。唔係「做唔到承諾人地既事」。呢個時候，你冇理由話人地一定做唔到。你亦冇證據證明佢冇可能做到。而家就鬧人地「做唔到承諾人地既事、好過份」，根本又係唔合理地鬧多左。此其二。（再講，「做唔到承諾人地既事」同「厄」又係兩回事。我認承左你聽日俾本書你，但結果因為人地未還返本書俾我所以我第二日都俾唔到本書你，咁都係「做唔到承諾人地既事」。但咁唔代表「我一開始話聽日會俾本書你」係「厄你」。）

最後，我覺得同學你未搞清楚狀況。等我講白一d。請你搞清楚自己而家對人地既指控係咩。你係話人地「厄你」、係「騙子」。只要你自己細心d諗下自己其實講緊d咩同手頭上有咩證據，就應該發現自己絕對係言過其實、唔合理地鬧多左人地！講真，我唔覺得你而家有可能證明到路比佢係厄你。因為構成「厄」既情況只有兩個：一，佢冇可能俾到你要個集野你但佢話有同會俾你；二，佢明明有個集但佢話完會俾你之後又唔會俾你。符合以上是但一個情況先構成「厄」。對於前者，我唔覺得你有咩證據可以證明到路比根本冇你要既檔，所以存心厄你。相反，只要路比可以提供一張你要既個一集既截圖，就足以證明第一種厄係唔成立既。而第二種，我都覺得你冇咩可能證明到佢係唔會俾你。請搞清楚，呢度講緊係「唔會俾」亦即係「唔會做」佢應承左你既野。但佢「未俾你」只係代表「未做到」者！推唔出佢「唔會做」。而佢「未做到」既理由，無論係乜野，只要佢講出黎冇犯駁就冇問題。根本好難出現你講既咩「澄清唔到」既情況。同學，而家只係網路世界既野，根本冇d咩實質證據可以要求。「佢22號之後冇上過網」已經係一個幾乎最實際、最有力既證據，證明佢係唔得閒。我地唔會亦唔可能要佢交出醫生紙同機票、公司／學校證明黎證明佢真係好忙。再講白d，就算幾日（甚至一頭半個月）之後，路比出現，只係講句：「去左旅行」、「就開學好多野搞」、「公司呢排多野做」、「早幾日唔係幾舒服所以冇上網」…etc，都好，都只可以證明佢個人冇咩交帶、冇同你講聲，但咁都證明唔到佢「一開始根本唔諗住俾你」、「存心厄你」。再講得衰d，就算你捉到佢幾日有online都唔應你機都好，你都只可以合理地懷疑佢唔想俾你，但唔可以指控佢一定係唔會俾你所以係存心厄你。因為可能佢只係未搵到個檔、諗住upload好先一次過覆你。咁既話，佢都只「冇交帶」、唔同你講清楚佢其實處理緊。但咁同你一直指控既「厄」，依然係兩回事。

無論作為朋友定旁觀者，其實都好容易睇得出，路比一開始就冇理由要厄你。另一方面，你亦冇咩可能就而家既情況合理地拗到路比係「厄你」。所以，你而家做緊既野，就只係係冇確實證據既情況之下、開帖係咁屈人係「騙子」。如果我係路比@pxpxcw 見到而家咁既勢就會出黎講句：「Sor，早兩日有d忙冇上到網。而家先知發生咁大年事…既然群情激憤、大家都覺得我唔應該俾檔樓主既，咁我就post張圖出黎證明我有個個檔就算啦！」一招收你皮！我就坐等你玩殘呢個A/C之後再開新A/C黎重新求檔既一日！

sky11

來人,用狗頭側側他

noddyy

blueeyes 发表于 2013-8-29 14:36
冇乜所謂既～你鍾意腦屈我話我咒路比死人冧樓入醫院唔緊要，反正路比知我同人講野要睇對方既程度。有d野 ...

小蓝又论文了，但论得好好

blueeyes

noddyy 发表于 2013-8-29 20:39
小蓝又论文了，但论得好好

多謝noddyy仔贊賞～



不過我覺得而家咁講對樓主有少少咁多唔公平。
因為佢始終唔識路比，我地冇理由逼佢同我地一樣咁信路比、逼佢無條件咁等三五七年既～
我建議由樓主自己set個佢認為合理既等待期，
如果過左等待期、路比都係唔出現既話，就俾返100雪點樓主。
如果管理層覺得OK既話，扣返路比所得既100雪點，我覺得都合情理既～　
（↑斷估佢本人應該冇咩大所謂既？（被打））
反正之後，路比無論幾時出現返都好、都再冇義務同必要俾返剩低個一集樓主。
（因為成件事係樓主收返100雪點個刻已經settle左、還左佢想要「公道」俾佢。）



我覺得咁樣安排應該幾公平同合理，
又可以塞住某d人把口，免得佢又聲大大＿屈管理層偏私、唔做野！

obamalai

blueeyes 发表于 2013-8-29 16:36
冇乜所謂既～你鍾意腦屈我話我咒路比死人冧樓入醫院唔緊要，反正路比知我同人講野要睇對方既程度。有d野 ...

你文筆甘好,   好有潛質做作家,   寫書之類

QQ312

blueeyes 发表于 2013-8-29 14:36
冇乜所謂既～你鍾意腦屈我話我咒路比死人冧樓入醫院唔緊要，反正路比知我同人講野要睇對方既程度。有d野 ...

蓝姐你理距做咩姐  浪费自己时间同精力  仲打埋呢度有无1000字？  

uzimaki

暗騎：終極黑暗 发表于 2013-8-29 13:29
唔係個個人日日都得閒上網！
可能人哋有工作在身，要出差咧！可能冇時間上網

講得對！如果要出差，就只是沒辦法分享啦！

pxpxcw

冇咩好解釋，因為唔得閑，其餘的，以上各人已詳細解說

順手補圖一張，14天存期，即是個檔我8日前已經up好，不過臨出門唔記得比link

你當我硬盤死，冇咗最後一集就得了，希望有心人補埋比你啦

管理層覺得我貨不對版，6集傳得5集的話，可以扣我分

pxpxcw

@leafir @blueeyes @i007 @漫步 @肥叔叔 @joechen @noddyy @batcat (不能盡錄) 等等等等
我只能說，謝謝你們的信任！！！！！！

pxpxcw

blueeyes 发表于 2013-8-29 14:36
冇乜所謂既～你鍾意腦屈我話我咒路比死人冧樓入醫院唔緊要，反正路比知我同人講野要睇對方既程度。有d野 ...

其實唔洗打咁多的