TXB明珠台电影《狙击职业杀手》配音表

joe2010

影片名稱：狙擊職業殺手  The Jackal

備註 1997年美國電影

明珠臺電影《狙擊職業殺手》，（又名「豺狼末日」），系一部動作劇情片

本故事純屬虛構，如有雷同實屬巧合

角色名稱：（演員）配音員

豺狼：（布斯·韋利士 飾演） 陳永信（常配）
男主角一号，傳聞嘅頂級神秘職業殺手，代號「豺狼」，擅長易容變裝，冷血毒辣，行蹤詭秘，喺世界發生嘅多起暗殺事件都懷疑系佢手筆，幾乎冇人知佢嘅真正身份同樣貌

梅迪倫：（李察·基爾 飾演） 陳欣（常配）
男主角二号，前愛爾蘭共和軍槍手，退行之後因走私軍火，被收押喺馬薩諸塞一所高度設防監獄服刑，曾經見過豺狼嘅真正樣貌，熟悉其行事手法，FBI為咗捉豺狼用減刑做交換條件揾男二号合作行動，經過多次交鋒，最終將豺狼擊斃

高慧倫：黃鳳英
女主角，俄羅斯內務部情報機構少校，代表俄情報部門同美國聯邦調查局合作，希望能一齊協力抓捕豺狼，芝加哥遊艇碼頭與豺狼交鋒時救過男二号一命，後來喺行動中不幸中槍犧牲，臨死前向男二号傳達豺狼留低嘅口信「你保護唔到身邊嘅女人」（暗示行刺目標系美國第一夫人），似乎對男二号有好感

柏加達：張炳強
FBI黑人副局長，抓捕行動嘅執行指揮，喺豺狼暗殺開火嘅危急關頭，飛身撲救救咗美國第一夫人，自己亦光榮負傷，影片結尾放走咗男二号翻愛爾蘭

辛綺娜：袁淑珍
男二号嘅前女友，曾經系巴斯克分離分子，已經隱退，以前同豺狼有仇，系男二号安排嘅秘密後援，喺片尾地鐵站豺狼要處决男二号時開槍重創豺狼

鄧佐治：蘇強文
辛綺娜嘅現任丈夫，同隱退嘅辛綺娜過住平靜嘅生活

鮑當奴：黃子敬
FBI局長，新希望兒童醫院理事會副主席，最初被認為系豺狼嘅暗殺目標

韋添美：招世亮
FBI探員，柏加達嘅手下，冇聽上司指示，將辛綺娜嘅資料記錄喺報告裏頭，結果情報比內鬼獲悉通知豺狼

阿麥：林國雄
FBI探員，韋添美嘅同事，比暗藏喺樓梯底嘅豺狼暗算殺死

波局長：源家祥
俄羅斯大使館特工，有份參與聯合抓捕嘅行動部署，系內鬼，被黑幫收買將情報泄露比豺狼

俄羅斯大使：陳曙光

賴文：雷霆
加拿大渥太華附近烏何爾鎮嘅小型工廠廠主，豺狼委托佢幫手設計製造武器遙控發射臺，整好後因為貪心想乘機敲詐豺狼，比豺狼試槍時造瓜咗

德加：郭志權
白宮官邸職員，系GAY佬，豺狼假裝老同與其熟絡，實質系為咗攞佢嘅華府特別停車證，掩護自己喺暗殺目標附近泊車避開巡警檢查

Emily Cowan：沈小蘭（冇中文譯名）
美國第一夫人，新希望兒童醫院理事會主席，喺醫院化療中心揭幕典禮致辭，系豺狼嘅真正暗殺目標

衛生局局長：黃子敬
美國衛生局局長，喺兒童醫院揭幕典禮致辭

美琪：鄭麗麗
地鐵站候車乘客，豺狼暗殺行動失敗後逃竄到地鐵站時挾持嘅人質，用嚟威脅前來追捕嘅男二号繳械投降

格斯：林國雄（影片對白發聲系俄語同粤語，字幕翻譯為「毛格斯」）
俄羅斯黑幫老大嘅細佬，喺影片開頭美俄聯合抓捕行動中因拒捕反抗，情勢危急下比女主角當場擊斃

泰勒：陳曙光（影片對白發聲同字幕翻譯為「穆泰勒」）
俄羅斯黑幫老大，為咗替自己細佬報仇，出7000萬雇傭殺手豺狼，暗殺美國重要人物

夜總會負責人：郭志權
俄羅斯黑幫分子，黑幫頭目格斯喺佢嘅場被捕出事死咗，後面向黑幫老大泰勒請罪時被老大打死

倫敦女黑人偽造專家：蔡惠萍
女黑人偽造專家，幫豺狼偽造咗護照等身份證件，做工精細技術一流

暗網軍火客服導購：郭志權
豺狼喺暗網軍火市場，購買咗一門波蘭製ZSU-33，14.5毫米機關炮做暗殺工具

影片開場字幕一連串新聞事件嘅播音旁白：招世亮、陳卓智、鄺樹培、郭志權

其他配音人員：梁耀昌、林保全、盧素娟…等

joe2010

《狙击职业杀手》呢部电影明珠台播过好多次，有粤语配音，总之就系好睇嘅电影，觉得粤语配音帮电影加咗分
有个疑问系影片中段豺狼喺地下停车场，用洗车做掩护对付三个跟踪同想杀佢嘅人，果三个杀手系咩人，似乎唔系警察，系黑吃黑吗？
仲有系医院揭幕典礼第一夫人致辞嘅讲稿对白，认真听有部分好似系重复再重复嘅

snzt

反而觉得李察基尔本身唔多适合个硬汉角色，可能睇多咗距演温柔绅士，的确陈欣配音有加分

神之影

很好的配音资料

JVT

joe2010 发表于 2023-8-13 17:20
《狙击职业杀手》呢部电影明珠台播过好多次，有粤语配音，总之就系好睇嘅电影，觉得粤语配音帮电影加咗分
...

嗰三个可能系豺狼试枪杀咗肥仔之后嚟找佢晦气嘅人，喷毒漆可能系想表现豺狼嘅心思细密同心狠手辣
第一夫人致辞讲嘅对白重复可能系两个原因其中之一：1.同一时刻唔同人物嘅主视角；2.小兰姐偷懒

tom246

哇，几时有配音版睇啊？

Seon

呢部正呀，配音整容好强大啊，保全叔嘅遗作，之前收藏咗ts版。

ok77899

多谢楼楼分析啊，以前就关注打斗