[新聞] TVB急派貨車到亞視帶走廿幾箱劇集母帶

jcysys_1314 · 发表于 2015-3-27 16:27:37

今日有大陸傳媒《財新網》獨家專訪亞視股東王征，表示亞視有機會月底關閉，近月亞視為撲水已經將旗下不少知名劇集版權賣出，甚至係賣俾「死敵」無綫，當中包括《我和殭屍有個約會》和《再見艷陽天》等及一批粵語、國語及潮語長片，作價約 700 萬元。

今日傳出亞視將月底倒閉消息後，未知無綫是否驚亞視到時會「拉人封舖」拎唔返劇集母帶，今日急急派車到亞視總台，一架印上 TVB Logo 嘅密斗車下午 4 點半左右抵達亞視總台，現場有員工準備 20 多個膠盒等候，將疑裝有劇集母帶嘅盒一箱箱搬上車，逗留 15 分鐘左右就離開。

轉自星玄會社&蘋果日報

另外關於播放權，仲有一則新聞：（只取有關部分）
亞視執行董事葉家寶引述主要投資者王征澄清，無說過亞視「氣數已盡」或者「月底關閉」的字眼，但形容已經時日無多，希望盡快解決目前的情況。他又重申有關的版權不是「買斷」，亞視仍可以播放，雙方亦在合約中訂明將來可以回購。