|
亞洲電視前身為麗的映聲及麗的電視，於1957年5月29日正式啟播，麗的電視於1973年4月6日由收費電視轉為免費電視，1982年9月24日易名亞洲電視並一直沿用至今。雖然ATV係呢十年既情況每況愈下，節目質素同產量下跌嚴重，只有不斷重覆又重覆播舊嘅節目。但唔可以否認ATV曾經出過唔少有實力嘅演員，而家就同大家數一數。
現貴為影帝級演員，張家輝1989年與亞洲電視簽約成為ATV演員，最初都係做一啲小角色。之後過檔TVB後才開始為人熟識，繼而轉戰電影而成名。可能當初ATV對佢嘅磨練就成就今日嘅影帝。
關詠荷嘅演藝事業由ATV開始，雖然無論係ATV 或 TVB 佢都係當家花旦。佢喺1992年亞視期間認識左張家輝，及至2000年打後產量減小，緊係啦！！話曬都嫁咗比個影帝呀！！做少奶奶好過啦！！
利智，1986年亞洲小姐冠軍，佢拍既電影多過電視劇好多。1988年因電影《龍在天涯》與李連杰相識，於1999年與李連杰在美國洛杉磯成婚。雖然演藝事業唔算大紅大紫，但嫁左個好老公，咩都返曬嚟啦 !!
杜汶澤於1994年加入ATV，拍攝劇集《我和殭屍有個約會》打出名堂。之後轉戰電影，並以《無間道》中傻強一角而成功出位，獲提名香港電影金像獎最佳男配角。之後佢嘅演藝生涯雖有起有跌，但都能一一渡過。而ATV帶俾佢最大嘅成就應該係識到佢老婆田蕊妮啦。
陳啟泰係少有由無線起步，之後才過檔亞視嘅藝人。2001年憑遊戲節目《百萬富翁》打響名堂，2009年與亞視約滿後簽約有線，係少數曾任無線、亞視、有線三個電視台之合約藝人。
1977年，張國榮參加麗的電視舉辦的亞洲業餘歌手大賽獲香港區亞軍，同年加入亞視，之後亦拍過唔少劇集，而佢都算係ATV當中出產最紅嘅巨星。
鮑起靜於1979年開始加入麗的電視，於2012年約滿後離開服務32年的亞洲電視，佢都算係有情有義啦。雖則鮑姐唔算係超級巨星，但佢肯定係一個有實力嘅甘草演員。
葉玉卿於1985年參加第一届亞洲小姐競選，獲得季軍而正式加入ATV，但拍了多套劇集都未能突破，之後1991年離開ATV後接拍寫真集同三級片，之後更進軍樂壇。1998年嫁給美國華裔商人胡兆明，從此息影。
| 
雷达卡
发表于 2016-4-2 04:42:30
提升卡
置顶卡
沉默卡
喧嚣卡
变色卡
显身卡
成长值: 10425
发表于 2016-4-2 10:10:33
