過年喇換部手機獎勵下自己

geniuz · 发表于 2017-1-23 14:24:37

本帖最后由 geniuz 于 2017-1-24 09:19 编辑

原來嘅ip6真心唔好用，入手Google真係完虐iPhone，抵佢賣得貴。

　　背面系比較核突，所以揀銀色相對冇咁肉酸，不過辨識度高（但其實我都套左個殼）。而且手感真系好，渣落手手感好似iphone，但按鍵更合理更舒服，iphone的制唔系太高就系太低。呢個5inch我覺得剛好，5.5有d太大，我喺youtube都見有d鬼佬例如有個黑人話5.5太大唔好渣。而且pixel同pixelXL區別只系mon同電池，唔似ip7同ip7+區別咁大，揀pixel亦慳返幾百蚊。
　　如果齋講配置，的確好多國產機具有更高性價比，更平嘅價錢更高嘅配置。但國產d系統都好垃圾（可能就1+好d），用得幾用就慢過蟻躝。我以前買過部華為俾我老豆，實在不敢恭維。我之前一路用緊motoX，都系原生乾淨嘅系統，雙核機用左3年仍然十分順滑，就系影相差d。至於1+3T當然系性價比之王，一半價錢而已，但始終唔中意深度定制嘅系統（或者會買俾老豆老母用），而且影相始終pixel系王者。
　　我自己都有部iphone6，都用左兩年，但ios實在唔好用（ios9，冇升10），又慢又麻煩。例如喺某個app中想切換連接嘅wifi或者藍牙，就要退返出嚟由頭入一次[setting]去改藍牙嘅連線。又冇3G同4G嘅快捷開關，又冇location嘅快捷開關，想慳d電都唔得，成日要開住，否則每次用先開就好麻煩，尤其開緊車嘅話會好危險。通知欄更加垃圾，都唔使講喇。kill apps嘅操作又麻煩，上滑嘅動作如果唔夠垂直，佢就會識別唔到（其實好多滑動操作都冇原生安卓流暢，就算我部motoX都比iphone6順滑），其他好多操作都要撳好多制，樣樣操作都要好用力咁，好麻煩。尤其我呢d唔玩games嘅人，ios實在冇優勢可言。指紋識別就更加成日識別唔到，或者識別得好慢（或者ip7會快d），呢樣我又系好憎。
　　因為工作關係長期兩部電話，但apps一般裝喺android嘅機，iphone一般要嚟聽下電話而已。或者外出時候以防冇電作為互備。