啱啱搵番以前既TVB動畫錄影帶...

mctimes

Jeremy107 发表于 2017-6-6 00:58
喔可唔可以分享睇下?

可以！我以前用capture card過，不過可能係舊model，所以有時有鬼影同唔清，就算用原裝帶都唔會清得去邊， 錄影帶嘅像素始終係320 dpi， 如果要上480 dpi， 係需要一啲特別嘅錄影機先可以做到， 如果想上到720dpi就唔好諗啦！不過而家好多都係用video to usb， 我冇用過， 唔知喺度有冇人用過， 不過特別在， 如果佢裏面附送嘅軟件係可以將你嘅video upload上itunes又或者youtube嘅話，情況又唔同講法， 因為可以download返啲video出嚟， 畫面穩定性比較強， youtube睇過好多相關嘅片段教你如何用video to usb嘅方法， 甚至教你如何將畫面較清， 睇落好似幾好， 不過我始終都冇用過，所以我唔係可以好肯定答到你！我以前用嘅係用capture card， 再用 adobe premiere record！另外所用嘅錄影機一定需要係六個頭嘅錄影機，如果你屋企部錄影機係得兩個頭或者四個頭嘅話，錄出嚟嘅 畫面都會有好多線又或者好多雜訊，而我所講嘅專業錄影機， 係電視台用開嘅12個頭又或者八個頭嘅錄影機， 所以返錄出嚟係會十分之清楚 ，電視台就係咁樣用依啲咁嘅錄影機將以前啲舊嘅影片重新 製作數碼影片，喺海外就係有好多人仲有依啲特別嘅錄影機你做生意， 價錢唔平， 不過保證一定清楚， 除非你個病帶真係質素非常之差，如果唔係一定冇問題！ 呢個就係我喺海外嘅經驗。唔知道中國大陸又會點做？仲有， 如果 要買video to usb嘅朋友， 記住一定要有蓮花插，即係圓形好細個個插， 因為呢個optical插， 聽啲專業人士講，穩定畫面質素係比較好就算用四個頭都可能會清楚。因為使用紅黃藍線嘅插頭，係最差的一種，所以我唔建議用！不過通常video to usb都一定有 甚至只有依3條線， 所以買嘅時候一定要睇清楚究竟有冇包埋蓮花插。 大致上係咁上下希望可以畀到大家小小意見！

Jeremy107

mctimes 发表于 2017-6-6 01:40
可以！我以前用capture card過，不過可能係舊model，所以有時有鬼影同唔清，就算用原裝帶都唔會清得去邊 ...

我記得VCR好似係插天線錄電視, 所以畫面質素應該同電視相差無幾

mctimes

Jeremy107 发表于 2017-6-6 01:42
我記得VCR好似係插天線錄電視, 所以畫面質素應該同電視相差無幾

你可以咁講，不過以前錄影帶過錄影帶都係用VCR插，始終都係analog，後來啲人覺得唔夠清，所以先出咗蓮花插，就比較穩定好多啦！ 我有好多舊嘅video都係機過機咁錄， 我比較好少用電視錄影，因為係海外根本錄唔到TVB，只可以租錄影帶。 同而家當然好唔同啦！

Jeremy107

mctimes 发表于 2017-6-6 01:56
你可以咁講，不過以前錄影帶過錄影帶都係用VCR插，始終都係analog，後來啲人覺得唔夠清，所以先出咗蓮花 ...

喔 原來係咁 咁唔知你有咩類型既節目錄影帶呢?

mctimes

Jeremy107 发表于 2017-6-6 01:57
喔 原來係咁 咁唔知你有咩類型既節目錄影帶呢?

都有好多㗎， 不過而家喺網都可以搵到， 當然全部都係粵語嘅動畫啦 ，好似龍珠二世舊版，我都有一套，用咗大約十二餅帶， 每一餅帶大約係四個鐘，記得當時一路睇一路錄真係辛苦，不過依家好多都可以喺網度搵到， 我記得仲有橙路， Touch， 粵語版真係好難搵不過我有帶，仲係全套，由和也死咗之後， 到達也打入甲子園都有，我問過好多人， 都係去到和也死咗之後就冇啦！ 另外有一套我去到中尾段就冇咗啦，我問過好多人都冇嘅動畫，就係"我要衝線" 諗住返香港買原裝， 居然都冇， 再問一啲動畫精幫我搵， 居然都搵唔到， 日文版都好難搵， 不過啱啱係幾日前喺b站， 居然有人放出嚟， 不過係日文版， 仲要係好清， 不過真係日文版無字幕！ 唔知你記唔記得有一套叫我要衝線主角赤木軍馬， 粵語版有一句名句" 冇人可以超越係我前面" 希望呢度會有人放出來或者搵到出嚟！

Jeremy107

mctimes 发表于 2017-6-6 02:13
都有好多㗎， 不過而家喺網都可以搵到， 當然全部都係粵語嘅動畫啦 ，好似龍珠二世舊版，我都有一 ...

仲有冇其他?

fsjx123

又一历史遗物！犀利啊

mamama

I prefer and miss the old cantonese dub sooooo much <3
I can't get used to the new goku canto voice

Thanks for sharing lz <3

仙道彰

哇，好令人怀念的画面，可惜我细个果时屋企冇录影机，保存唔倒当年葛节目，遗憾