逃離無綫返大陸開米線店 一線變七線蔡淇俊：喺公司冇存在感

Jeremy107

FROM:蘋果日報
http://hk.apple.nextmedia.com/enews/realtime/20170623/56830928

【獨家】逃離無綫返大陸開米線店
一線變七線蔡淇俊：喺公司冇存在感

有人話，你的樣子如何，你的日子也必如何，女嘅生得靚索正，男嘅長得型英帥，機會自然手到拿來，一生順風順水。

今年33歲嘅蔡淇俊，17歲參加無綫旗下周刊「至型bug仔」比賽，憑青靚白淨加6呎身高，輕易擊敗過千位參賽者奪冠，讀完藝員訓練班順利進入娛樂圈。02年仲係做閒角，到04年已成功晉升做錢國偉監製嘅青春劇《赤沙印記@四葉草.2》男主角，夥拍司徒瑞祈、陳自瑤。

如果有留意無綫用人方針，喺嗰個年代，冇權冇勢冇背景，任憑你演技勁過梁朝偉，都未必有人留意到。蔡淇俊，算係比較幸運嘅一個。之後，蔡淇俊再下一城，得無綫高層曾勵珍(珍姐)欽點做處境劇《同事三分親》，事業運擋都擋唔住。要知道，當時同佢同屆嘅鄭俊弘，都仲係做緊無名小角。
少年運得志，但奇怪係，蔡淇俊往後拍嘅劇，卻彷彿中了降一樣，越做越少戲份，甚至喺13年嘅劇集《仁心解碼II》中，角色就只有第25集戲份嘅報導員一角，簡單啲講，連名都冇。

歸根究底，蔡淇俊話係性格問題。「可能太細個入行，自己又係比較內向怕醜嗰類人，本身我係好care人哋點睇自己，例如有人搵我做識溜冰、打功夫嘅角色，我就算識，都會預先打定底同人講『我麻麻地咋喎，試吓啦』，但其他人就會話『我得o架，好掂o架』，諗番轉頭，係miss咗好多機會。而當時身邊個個都係大哥哥大姐姐，阿叔阿哥，或者好少接觸其他人，所以同好多人唔熟，冇乜溝通，變咗人哋見到面時認得你，但轉過身就唔記得，即係冇乜存在感。慢慢同公司嘅幕後、監製、導演都唔熟，變咗開始覺得幾難行。」

由一線無奈跌落七線，蔡淇俊坦言曾經有唔開心過。「咁當然我都會檢討自己啦，但見到人哋開始上，當時你係諗極諗唔通，其實大家做戲都差唔多喎，都係做咁多年啫，唔通我有啲咩做得唔好，到我呢幾年出去做生意，識得人多，發覺可能係性格上有啲嘢，或者待人處事上，原來做得唔夠好，再加埋你做戲又唔係叫叻，只係一般般，咁導致到冇人咁成功。」

已經冇做無綫，現時喺佛山開雲南米線嘅蔡淇俊，間中都會諗番轉頭。「嗰時入行，真係諗住拍戲係自己終身職業，到呢一刻其實真係要多謝Wilson(錢國偉)同珍姐，係佢哋肯俾機會我，不過當時細，好多嘢都未ready，o依家諗翻轉頭，又或者可能會先處理人際關係上。」

相比同屆嘅胡定欣同鄭俊弘，一個做咗視后、一個可以開個唱，蔡淇俊坦言：「都冇酸溜溜嘅，係真心戥佢哋開心，哈哈，咁講法，我都成名先啦，有啲嘢冇得比嘅。」雖然脫離幕前做咗生意人，不過蔡淇俊話自己每日都有keep吓fit，同睇戲睇劇留意人演技，間中亦會喺大陸拍吓網劇，希望有朝一日可以重返幕前。

起步早有着數，30歲再出發，唔遲！


大台連七線ARTIST都唔SHOW佢

hingchun

結論:識做人好過識做戲

李奥

982637 发表于 2017-6-24 14:55
睇唔明，都係繁體字

一键变简体

http://www.aies.cn/

李奥

近两年没看港剧，新演员都不太认识。

Jeremy107

李奥 发表于 2017-6-24 15:33
近两年没看港剧，新演员都不太认识。

而家D劇咩水準呀, 真係不如LOOP番以前D舊劇好過

karenlau

已經將近三年冇睇過港劇了，都係動畫或者自製嘅紀錄片。因為實力派嘅演員去噻大陸撈錢……所以……凡事睇距好嘅一面，咁樣做人會開心d

feece

我今年都30歲 覺得好似只係人生嘅開始

得心应手

很久冇睇港剧 不知情况

hygoodboy

不太认识D新人！

sky000

看完才對仁兄有印象.