《詭探》第21的港漫原來出自梁偉家之手

李奥 · 发表于 2017-7-2 07:16:22

本帖最后由李奥于 2017-7-6 23:53 编辑

转载一些趣闻，由于不能发太多帖，就唯有全部集合在一起。

《詭探》x港漫原來出自梁偉家之手

唔知大家有無睇ViuTV《詭探》，前晚第21集〈邪教圖騰〉，故事講到Joe同神婆向方怡解釋「第七動行動組」花朵由來

編劇交代呢段故事，唔用真人拍攝，改用漫畫加Joe對白交代，好突破。前晚睇嗰陣，我已經Feel到漫畫滿滿港漫風，筆風仲好熟口熟面。

正估緊出自邊個手筆之際，梁偉家喺面書出Post話：「自己嘅漫畫在另一領域出現，實在是一件非常高興嘅事。」真相大白了！網劇聯乘港漫，原來有得諗喎，邊個咁好橋？真真抵讚。

資料來源：https://www.facebook.com/photo.p ... 6025&type=3&theater

日本熱傳白兔洗手圖測試心邪定純潔？

呢張相第一眼你睇到啲咩？

最近佢喺日本Twitter引起好多人討論，心邪就會睇到衰嘢，仲唔明？
即係證明你好pure嘞。重點係個洗手盤邊，有人會睇到係張開嘅大腿。

網民留言都好精警，有人話估唔到自己原來咁純潔，有人話一如自己所料第一眼已經心邪，
不過有網民話其實呢個位都真係需要清潔吓嘅‥‥‥

可愛Miffy圖案慘變恐怖圖倒轉睇唔同晒

都話一念天堂一念地獄，繼白兔仔洗手嗰張心邪圖之後，最近又有網民分享另一幅圖，
今次呢對Miffy兔仔，表面上係坐喺個白色咕臣上面恰眼瞓，不過倒轉睇就好似比大白鯊食緊落肚咁！

日本「比卡超」結婚證書估吓比卡超講咩？

先澄清一下，唔係同比卡超結婚，而係結婚登記表上面有比卡超咋。
喺日本結婚，新人要先繳交結婚登記表，之前Sailor Moon甚至One Piece都出過特別版本。

最近日本婚嫁雜誌《Zexy》8月號(6月發售)就隨書附送比卡超版本，比卡超著住結婚禮服好可愛！

最正係比卡超仲拍咗段宣傳片。

https://www.youtube.com/watch?v=D9KYG6h9Gv0

日本企鵝爺爺愛上《動物朋友》角色二次元苦戀感動網民

近排好紅嘅《動物朋友(けものフレンズ)》最近同東武動物公園合作，每個動物園區都有相對應嘅角色紙板，
不過估唔到會發生一段可歌可泣嘅愛情故事。

說話其中一隻已經20歲嘅年長企鵝「グレープ君」，似乎鍾意咗企鵝角色嘅紙版公仔，
連續幾日都望住佢，仲因為咁而食少咗嘢，由於佢年紀大，動物園怕佢身體唔好，所以加咗個網阻隔佢觀賞企鵝女。

佢哋嘅愛情註定唔會有好結果，所以網民幫佢哋畫咗幅構想圖，畫中嘅佢哋終於可以一齊傾計，好感人。