有哪些粵語op比日語原版op好聽的

lwk3419

我諗應該唔多，除咗百變小櫻之外，都冇一首好聽，加上編曲唔同

Lelouchlzc

印象中唱百变小樱那个新人来的吧

喜粤201906

百变小樱粤语op同原版完全唔同

randalW

我是做音乐老师的，从专业角度分析，因为粤语的片头曲那些都是cover原版的，将原版谱子扒下来，再重新弄伴奏找歌手唱，而且预算有限，成本比较低，所以有时候出来的效果你可能觉得不如原版，另外流行歌唱功方面，各个地区都有人才，总体实力基本不会说谁比谁差，举例子，个人认为陈奕迅的不死传说比色情涂鸦的原版要好听，肥陈唱歌是可以的哈哈，然后郑伊健的自动胜利就比不上原版，不过林峰的驯兽师也比得住原版，主要是有时候唱歌的不是专业歌手，是演员什么的，不一定会唱歌，日本有时候也找偶像那些来唱歌啦，而且后期修音好大影响啊，我朋友专业调音师，夸张点，跑调的可以帮你修成林俊杰。还有梁咏琪唱的那首也很好听啊，毕竟梁咏琪唱功可以

netasa

歌、詞、意、曲、聲線、依幾樣野加上動畫本身的受歡迎程度決定左配音翻唱OP的優劣！！講到尾大多數歌引用曲都多為原版，有許多連節奏節拍都一樣。所以我個人認為依D應該屬於翻唱領域。


當然當年粵OP都有少部份為原創作品好比如長腳叔叔。 以下系我個人感覺，純個人意見。

1.彩雲國物語  粵勝  原唱：平原綾香 聲線較老意境較滄桑同動畫本身有少許不及。  鍾嘉欣版，聲線細嫩帶甜。聽落去有種古典唯美風與動畫本身較為及。  所以粵OP略勝！

2.彩夢芭蕾  日勝  原唱：岡崎律子 聲線發聲控制得好好，短音點到即至。令人聽落輕快舒服！ 薛凯琪版，聽落去有D硬，拒好似未感覺到果種歡快意境甘樣，只系格梗配合番果種節奏去唱。由第一句就聽出差距了。不過依首歌詞粵版寫得唔錯，為首歌加唔少分！！當然當年粵版系受到好多人喜歡的系首好好的動畫粵語OP！！

3.超时空少年 粵勝  原唱：尾崎紀世彦 聲音唔錯好聽，不過講真聽唔明果陣真系失好多分咯。再講粵版安德尊唱得都好燃下咯，就同日版的歌名一樣夠燃。所以無論當年定現在，聽番都會另你有種動力感，且會回想起動畫！ 同樣第一句歌詞就定勝負了!  

4.超時空要塞(电影版插曲)  粵勝  原唱：飯島真理  講真依位“歌手” 又點樣可以同我地的專業歌後比呢！！ 就聲靚足成條街啦！！陈慧娴唱D粵番基本上都穩唔到邊首會輸咯。

5.寵物小精靈III  平手  原唱：松本梨香  聲線沉接近男聲。有種日本正太感覺同動畫本身好及。相反粵版古巨基唱得有點大細路感覺。但粵版節奏感同詞都跟得上日版，聽果陣詞可以好明白詞救番唔少或者講聽得明救番粵語版。而日版也無幾出色，所以打平！！

6.多啦A梦 結尾曲  粵勝   點講好呢，雖然原唱經典，得粵版 只要有夢想  同樣系經典到不得了。 簡單D比分，好多人都聽過日原版，但系無個識吭唱出詞來，但粵版呢就超多人會唱出歌詞，且好多人都知道首歌名“只要有夢想” 甘仲唔全勝！！！！就連後來陈慧琳再番唱依然大受歡迎，其實邊個人唱識聽粵語D朋友仔都會覺得好聽你話系米？！

7.多啦A梦 OP  粵勝   同上啦基本，難到你會懷疑，“人人期可達到、你睇叮噹嚟了、 小貓也自豪”依D甘經典的詞咩！！！

8.飛天少女豬事丁 OP  粵勝  點講呢，依個其實有D難選。日版聲音同樣好！但覺得聲音同個伴奏唔多及，音樂好好反而唱果個就..... 而粵版就無依方面問題，且同出動畫整體感覺好及，詞寫好，人聲音壓得住個伴奏果種力。 戴恩玲當年比較陌生。

9.钢之炼金术士OP   平手   先講粵版不足，詞寫得有少許偏激，與動畫本身有少許唔多及。人地日語D詞與意系豐富好多，粵版相對地“人人尋仇赤腳走”咯！！ 不過由醫神唱救番首歌，如果由浚龍伊面其他人唱就無甘有肉緊的感覺了。就輸成條街了！！

10.借東西的小矮人 日勝  依首歌日版必勝，詞與曲都好好。而粵版只屬於翻譯水平，即系唱出來讓你可以聽明歌詞甘上下啦。粵版就好似你翻譯過你聽甘咯。無左原版果種節奏感，不過邓紫琪聲音有加分！！

11.龙猫  平手  日版較為輕快，粵版較有情感。相較之下粵版會顯得特別D。感覺有粵版真系不可多得甘樣！！再者日版雖然經典，但就僅此而已所以打平！江欣燕聲音在此好及加分不少。

12.咕噜咕噜魔法阵 OP   打平  有兩首OP都有粵翻唱，歌詞寫得都好有意思又好記。好比如紮媽辮、舞冬菇之類的！！節奏跟得上日版而又聽得明同埋舒服，可惜就短左D（系米半成品就不得而知了）不過如果有完全版粵版必勝！！

13.哈姆太郎  粵勝  雖然粵版BOY'Z男聲就免了，2R版雖然過得去，但系Twins版的經典就真系無可代替，8090後都有印象你地話點會唔勝呢。日版依期就真系無咩光彩咯！！！

14.华丽的挑战  粵勝  日版輸響聲線上面，粵版官恩娜唱依首番唱真係好配趁，詞又簡單易懂同動畫本身超搭的好無！！真系好一句“全部讓開！”仲唔系你贏！！

15.激斗战车 粵勝   點講好呢，佬實講只系勝少少，少到只得一DD。 勝在詞上面，簡單易記與動畫合，無人會唔記得“一千倍動能”依句詞吧。其實日版真輸得唔抵！！

16.美少女戰士系列  平手  出依個結論系因為，首首都經典先啦！而粵版更加系唱出左感覺出來。但日版聽起來更唯美一D！

17. 七小花  日勝   水樹奈々的聲音系好強吸力！歡快感好正果句“食史食史”歌詞真系令人記憶滿滿！！相反2R已經好努力了，依首粵翻唱我本人覺得拒地交足工課了，詞又寫得及，不過實力差距！！ 粵詞將原有“Success,Success” 變成“第一第七都值得稱讚”依下寫得真真值得稱讚！！發音真及！

18.守护甜心OP   平手  其實依度本想說日版好些的，但系呢就聽歌角度來講日版D音調起落平平，聽上去有悶感覺。反之聽粵版會聽出一D輕快感，相對來講聽得懂詞就會著數D咯，所以打平算了。

19.数码暴龙系列   粵勝   通常系列而言多者為勝，粵版有好多首都能令人有深刻印象，而日版感覺上就比較平平無奇。

20.四驱小子OP  粵勝   歌手性別唔同所以依度唔可以論聲線。如果講平手實在過於牽強，因為聽上去感覺真唔多同。日版缺左一D燃爆感，而粵版燃感超高。作為依出動畫而言，燃感高更適合！！

21.四驱兄弟  粵勝  兩首同時都超過左日版，只可以講陈麒元D聲線比較適合依兩首曲D節奏感。因為日版系唔同演唱者去唱。 特別第二首聲線完全就......唔講了！

22.踢出我天地(野狼前锋)OP  平手  兩版都好好，粵版勝在詞好，好記時又及套動畫仲比較燃。日版好在演唱都夠唱得肉緊，聽唔明且唔夠燃都使你得好舒服。不過講到伴奏音效日版真系好得多。

23.童话枪手小红帽OP  粵勝  只系少勝！高分於粵版詞寫得好。作為快節奏歌又多詞字數多，寫得朗朗上口的詞真唔系容易。所以整體上聽粵版會好舒服。日語會有D唔知聽左D咩的感覺！聽日版就全程聽節奏。

24.外星BB撞地球OP  粵勝  又係勝在詞啦，就第一段已經贏曬了。用詞好本地化，聽得舒服。不過日版並唔系輸得好遠，中島礼香的聲線真系好聽好獨特。

25.微星小超人OP  平手  依個真唔知點比較好了，只可以講兩個版都好唔到去邊！！

26.我系小忌廉OP  日勝  日版演唱者聲線更加適合伴奏一D，聽上去更加有力生動，就算唔明歌詞聽著也舒服。粵版都唔算差，只系感覺個勢弱於日版，詞方面比較平但也不失為一首經典。

27.小小雪天使OP  日勝  其實粵版真的輸好少好少。梁咏琪唱依首歌真系好配，詞也寫得好，衰在其他方面特別系伴奏和音後期等等方面。且粵版速度方面快左唔少，變得無左氛圍！靈魂阿靈魂變左味了。

28.星梦美少女OP  粵勝  思琦妹本身D聲線就同日版有所相似，當然日版系組合去唱。 但由單人去唱都擰佳績全靠詞寫得好，同整個曲D節奏感好配合。其實思琦妹聲真心的弱，後期辛苦了！！

29.音乐小彗星OP  平手  兩版相對地都比較平淡，無咩特別出色地方，同時都無另人印象深刻之處，所以呢算叫做得閑聽下之水准。

30.樱桃小丸子系列  粵勝  依出動畫唔使講，同時依出動畫粵配歌也系唯一出唔使講都會勝出的。無論任何一首都優於日版。大眾認同真的不用比分了，直接去聽就系最好！

31.機動武鬥傳G系列  粵勝  勝得好險，主要贏於詞填得好，三首歌分別都唔同人唱，節奏感燃感都好跟得上日版，好記有感情聽得。本人認為係最值得與日版對比適收聽的粵配番唱。

以上，個人建議大家在聽粵版之餘，都聽下日版，你會覺得拒地既有相似但又存在唔同，就算同樣的旋律同樣的節奏都會聽出好多唔同的感覺。細心體會拒地細微差別又會發現原來各有各的好聽，都系值得細心品味之作品。有人話無比較就無傷害，其實比較過反而會出現兩都愛也不一定呢！！！ 特別係 最後的NO.31無論日版定粵版都真心好聽，寫出好詞，選對啱的人唱，音效好真系無論日版定粵版都會系越經典的存在。唔聽或無聽過真系你地的損失！！

liao8323

长鼻象 发表于 2019-11-13 22:17
嗯，這兩個不錯。。寵物小精靈陳浩民唱的那個嗎

是的，以前细个仲以为系原版。