分享下我嘅睇电视经历同感受，顺便大家都讲下呢个话题

喜粤201906

2020年系模拟电视转高清电视嘅关键年，而之前好多地区都已停止模拟电视广播，而我嗰边停模比较早，系2013年底。喺2013年夏季就开始报装第一个机顶盒，系家乡电视台提供嘅机顶盒，画质比模拟电视清晰D，能收睇翡翠明珠、本港国际（亚视停播后，就换其他频道），睇到几个市嘅电视频道，当然广东主要频道能够睇到，冇时移回看；后来因为家乡电视台同某市电视台格埋疯狂插播香港电视台嘅广告，严重影响观众体验，并且有一日三个台（包括翡翠台）信号传输故障，等成半日仲未修复，再加上月月交费，屋企人较少睇电视，所以喺2018年3月换咗第二个机顶盒，系免费嘅中国移动机顶盒（广东IPTV-粤TV），不过冇香港电视台，冇市电视台，只有省电视台+各省卫视+部分零杂频道，所以之后睇香港电视台都系网上睇，另外有点播功能，我用佢主要系睇外来媳妇本地郎往期节目。
总体感受：如果问我中意边款机顶盒，我觉得好难讲，两款机顶盒相比，各有各优势。（唔知广东嘅朋友有冇呢种烦恼？）冇计啦，我只能用当前嘅中国移动机顶盒，因为免费，支持时移回看广东台嘅频道，能够错峰收睇节目，至于香港电视，宜家真系只能到网上睇，并且实时收睇。

chrisrex

dkmi 发表于 2020-2-19 02:28
咁樣，即係你可以睇得到冇屏蔽到嘅翡翠台新聞？

市线系用省线信号,就算10几年前用自己嘅信号,一直都会cut禁止事项个啵,所以从来都系会屏蔽嘅

ishida

我發現我以前廣州某啲同學存在一種認知觀，覺得翡翠台明珠台落後了，認為睇湖南衛視IN，聽到我已經無言以對，而且我留意到佢哋有啲屋企係用電信IPTV嘅。對於我嚟睇，呢種諗法係非常無知嘅表現，只會令自己走向固步自封地位
不過係可惜啲，如果睇到J2、無線財經資訊台、VIU TV呢啲嘅話，佢哋就可能唔會咁諗了

有啲人還認為TVB點解咁OUT仍然係模擬電視訊號，佢哋可能根本就唔知道係省有線一直未轉播數碼版，雖然後來2017年3月起轉播數碼版，但有啲人居然重唔知道。

ishida

喜粤201906 发表于 2020-2-20 08:54
香港好似2007年开始数码广播，嗰时内地其实并未真正盛行

其實後來內地好多衛視都轉高清廣播了，但係省有線對於翡翠台明珠台嘅轉播仍然未，
據講係因為省有線採購新轉播系統招標搞掂之後，上頭先不得不同意廣東省有線轉播嘅。

上頭本來就想我哋一直睇模擬版翡翠台明珠台就真

之前廣東省有線電視測試頻道入邊就有高清翡翠台同埋亞洲高清台，但好似二零一三年之後就關閉咗轉播呢兩個台了

leung902

喜粤201906 发表于 2020-2-18 15:41
有回看都唔好开心住，因为广电喺插播广告过程中同时录时移回看，所以喺时移回看入面唔会睇到畀屏蔽嘅节目 ...

唔系呀，我系话上网揾人地录低那些

喜粤201906

dkmi 发表于 2020-2-19 02:28
咁樣，即係你可以睇得到冇屏蔽到嘅翡翠台新聞？

错，你系唔明人哋“cut禁止事项”讲嘅意思，涉及正字敏感问题梗系要屏蔽！

kero隐

之前换代时问过，宽带类的机顶盒没翡翠台、没地方台（后来有），要不就得不合法装个锅，所以还是选了广电，以前广电有粤语英超，只是现在苏宁独家了

h304378864

买两个机顶盒咯   我屋企好少睇回放   可以买个机顶盒传睇HK嘅台

制裁者

廣東的不是都是廣電嗎？  機頂盒基本上都覆蓋了你2個機頂盒的所有功能， 而且月費都係一樣，比非高清機頂盒 貴18蚊一個月，另外 我還cut埋條網線， 宜家一個月32  連埋寬帶，一年下來 ，省翻唔少啊

LovErika

喜粤201906 发表于 2020-2-18 15:32
TVB anywhere好似睇唔到TVB在港嘅所有节目啵

只有财经资讯台，娱乐新闻，无线新闻，以及翡翠台，所以无乜意思，如果有J2之类果D我就会考虑下续约咯，其实AnyWhere既好处就在于唔使用HK IP睇而已，我一般都用新加坡IP的，如果唔系梗系MyTVSuper好用啦，其实我原本霖住睇剧集噶，点知到剧集点播又要另外买，所以打算下个月就唔续约了，睇剧集就乖乖地下载或者等埋堆堆上架算了

LovErika

座标广州自从报装左电信宽带就CUT左广电了，感觉IPTV清晰度唔会差过广电，缺点系无TVB睇，不过话时话，影响唔大，因为基本上都唔睇直播，，加上自己要同朋友联系所以一直都有用梯FQ，所以睇剧基本都用Netflix，TVB剧就等埋堆堆上架或者直接去公仔箱度下载，所以买左一个月TVBAnyWhere直播都决定下个月取消了，原本以为可以睇剧，点知净系得直播而且无J2反正有乜想睇就上网搞掂，电话电视加网络一条龙搞掂，方便省心，一个月200人仔出头我又可以接受。

hkviutv

廣東廣電網絡都幾坑下，家下電信其實都幾抵

fish182

网上睇到香港电视台？

喜粤201906

fish182 发表于 2020-2-18 14:54
网上睇到香港电视台？

系嘅，靠自己去揾咯

喜粤201906

xmy13065 发表于 2020-2-18 14:51
廣東廣電網絡都幾坑下，家下電信其實都幾抵

有人话用广东广电机顶盒，有时睇个香港台冇啦啦信号中断

hkviutv

喜粤201906 发表于 2020-2-18 15:01
有人话用广东广电机顶盒，有时睇个香港台冇啦啦信号中断

嗰個係接收訊號唔穩定罷了

fish182

喜粤201906 发表于 2020-2-18 15:00
系嘅，靠自己去揾咯

应该唔稳定吧网上的香港台直播，我知道的一系收费的，一系墙外的都比较稳定

leung902

我都系钟意睇实时播映既，最衰本地有线会插广告所以先无装